In dieser Ausgabe von „kommentiert:“, dem Kommentar der Woche, hören wir persönliche Worte und Ansichten von Judit Scholze, Hauptgeschäftsführerin der Domowina. Ihr Thema heute, Sorbische Wirtschaft im Rampenlicht: Warum der neue Preis Unternehmen und Region beflügelt.(jb)
Der Kommentar zum Nachlesen:
Serbske hospodarstwo w swětle zjawnosće: Čehodla nowe myto předewzaća a region pohonjuje
Prěni raz spožčene Myto za hospodarstwo wuprudźa sylne znamjo: Předewzaća w našim regionje njejsu jenož hospodarscy akterojo, woni su wo wjele wjac: Su sobuwuhotowarjo kulturneje nadhódnoty, kotraž jónkrótnosć Łužicy wučinja. W zawodach, hdźež je dwurěčnosć žiwa, so serbske produkty wuwiwaja abo kulturne iniciatiwy podpěruja, nastanje identita, widźomnosć a zwjazanosć. Tajki angažement zasłuža sej sprawny dźak a wulke připóznaće. Kóžda dwurěčna tafla, kóždy serbski poskitk abo produkt a kóžda naprawa, kiž rěč spěchuje, woznamjenjeja přidatne wudawki, inwestowane ze swójskeho přeswědčenja.
Jimacy bě wothłós mnohich počesćenych na premjerje: „Dale tak! – nětko ćim bóle! Měli to hišće sylnišo forsěrować.“ Tute jasne wuznaće zwuraznja, kotra wosebita sylnosć w zwjazanosći mjez hospodarstwom a serbskej ludnosću tči.
Serbske hospodarske myto hódnoći runje tutu zmužitosć, tute sprawne sebjewědomje a tutu zwjazanosć. Wone wotbłyšćuje, kak předewzaća serbskosć skrućeja – jako znamjo jónkrótnosće Łužicy, jako kulturna kótwica a jako přeprošenje wšitkim, mnohotnosć žiwi być.
Najwutrobniši dźak wam! Njech je myto nastork za mnohe dalše aktiwity. Wjeselimy so a podamy so rady zhromadnje z předewzaćemi w našej Łužicy na puć.
Schreibe einen Kommentar